يا جماعة الخير، بزاف منا يستعملو تيليجرام في التيليفون، مي ساعات نحتاجو نخدمو بيه في الميكرو (PC ولا Mac) باش نبعثو فوطوات، فيديوهات، ولا فيشيات كبار بكل سهولة. اليوم رح نوريكم الخطوات باش تفتحوا تيليجرام ويب (Telegram Web) من المتصفح تاعكم بلا ما تشقاو وتتيليشارجيوا تطبيقات زيادة.
الخطوات باش تكونيكتي:
- أدخل للسيت الرسمي: أول حاجة ديرها، أفتح المتصفح تاعك (Navigateur) واكتب هاد لادريس web.telegram.org في البار تاع البحث واضرب Entrée.
- خير لبلاد (Algeria): كليكي وين مكتوبة "Pays" وحوس على الجزائر في الليستة. تقدر تستعمل خانة البحث باش تلقاها ليه ليه.
- دخل نيميرو تاعك: اكتب رقم التيليفون تاعك بلا "كود البلاد" (خاطر راك خيرت الجزائر ديجا) وكليكي على Next ولا Suivant. وتأكد بلي النيميرو صحيح كي تخرجلك النافذة تاع التأكيد.
- دخل كود التأكيد: تيليجرام رح يبعثولك كود في ميساج للتيليفون تاعك (ولا في لابليكاسيون إذا كنت فاتحها في بلاصة وحدةخرى). هز هاداك الكود واكتبو في خانة "Enter your code".
- مبروك عليك: غير تكتب الكود صحيح، السيت رح يدخلك ديريكت للكونت تاعك وتقدر تبدا تقصر وتبعث واش تحب.
كيفاش تخرج من التيليجرام (Déconnexion):
إيلا كنت في ميكرو ماشي تاعك (مثلا في الخدمة ولا في سيبير) وحبيت تخرج من الحساب باش تبقى مأمن:
- كليكي على تلت خطوط (≡) اللي جايين الفوق على اليسار.
- خير Paramètres (ولا Settings).
- هبط لتحت كامل واكليكي على Se déconnecter.
هذا ما كان! الطريقة ساهلة وتخليك تستعمل تيليجرام بكل راحة في الكمبيوتر. إيلا عجبكم الشرح ما تنساوش تبارطاجيوه مع صحابكم!
 باش نبعثو فوطوات، فيديوهات، ولا ف…){kind=link}
تعليقات
إرسال تعليق